ஹோட்டலில் பெண் ஆட்டோ ஓட்டுநர் மீது தாக்குதல்.. - வெளியான அதிர்ச்சி சிசிடிவி காட்சி..

சென்னையில், விடுதி அறை ஏற்பாடு செய்ததில் ஏற்பட்ட தகராறு காரணமாக பெண் ஆட்டோ ஓட்டுநர் மீது தாக்குதல் நடத்தப்பட்டுள்ளது. ஆயிரம் விளக்கு கிரீம்ஸ் சாலை, அழகிரி நகர் பகுதியைச் சேர்ந்த மூக்காயி என்பவரிடம், வடமாநிலத்தை சேர்ந்த இருவர், தங்குவதற்கு அறை கேட்டனர். அப்போது, தனக்கு தெரிந்த விடுதிக்கு ஆட்டோவில் அழைத்து சென்ற நிலையில், அங்கு வந்த அதே பகுதியைச் சேர்ந்த ஆட்டோ ஓட்டுநர் கண்ணன், மூக்காயியை

கன்னத்தில் அறைந்து தாக்கியுள்ளார். இதுகுறித்த சி.சி.டி.வி. காட்சிகள் வெளியான நிலையில், ஆட்டோ ஓட்டுனர் கண்ணன் மீது போலீசார் வழக்குப்பதிவு செய்துள்ளனர். இதேபோல், மூக்காயி தன்னை ஆபாசமாக பேசி அடித்து காயம் ஏற்படுத்தியதாக கண்ணன் அளித்த புகாரின்பேரில், மூக்காயி மீதும் வழக்கு பதிவு செய்துள்ளனர்.