அமெரிக்காவில் 6 லட்சத்தைக் கடந்த இறப்பு எண்ணிக்கை - இறந்தவர்களின் குடும்பங்களுக்கு பைடன் ஆறுதல்

அமெரிக்காவில் கொரோனாவால் உயிரிழந்தவர்களின் எண்ணிக்கை 6 லட்சத்தைக் கடந்த நிலையில், இறந்தவர்களின் குடும்பங்களுக்கு அமெரிக்க அதிபர் ஜோ பைடன் இரங்கல் தெரிவித்துள்ளார். இது குறித்து அவர் பேசுகையில், இவ்வளவு உயிர்களைக் கொரோனாவிற்கு பலி கொடுத்திருப்பது தனக்கு வருத்தத்தைத் தருவதாகக் கூறினார். மேலும், நம் அன்பிற்குரியவர்களை இழந்திருப்பது மீள முடியா துயரைத் தந்தாலும், அவர்களது நினைவுகள் எப்போதும் நம்முடன் இருக்கும் என்று ஆறுதல் படுத்தினார். அமெரிக்காவில் கொரோனா இறப்பு எண்ணிகை 6 லட்சத்து 12 ஆக உயர்ந்துள்ள நிலையில், பாதிப்பு எண்ணிக்கை 3 கோடியே 34 லட்சத்தைக் கடந்திருப்பது குறிப்பிடத்தக்கது.