எஸ்கேப் ஆக நினைத்து சிக்கிய திருடன்.. காப்பாற்றிய தீயணைப்பு துறை
காங்கேயம் அருகே விவசாயி வீட்டில் திருட முயன்று தப்பி ஓடிய போது கிணற்றுக்குள் விழுந்த திருடனை தீயணைப்புத்துறையினர் மீட்டனர்.
திருப்பூர் மாவட்டம் தழுச்சிகாட்டுப்புதூர் பகுதியை சேர்ந்த சுப்பு குட்டி இரவு வீட்டை பூட்டிவிட்டு முற்றத்தில் தூங்கியுள்ளார். நள்ளிரவில் நாய் குறைக்கும் சத்தம் கேட்டு எழுந்து பார்த்தபோது வீட்டின் கதவை மர்ம ஆசாமி திறந்து கொண்டு இருந்துள்ளார். இதை பார்த்து அதிர்ச்சி அடைந்த சுப்பு குட்டி சத்தம் போட்டபடி திருடனை விரட்டியுள்ளார். ஆனால் மர்ம நபரை பின்தொடர்ந்து செல்ல முடியாததால் சுப்புக்குட்டி திரும்ப வந்ததாக தெரிகிறது. மறுநாள் காலையில் சுப்பு குட்டி வீட்டின் அருகே உள்ள கிணற்றில் மர்ம நபர் ஒருவர் விழுந்து கிடந்த நிலையில் அவரை தீயணைப்புத்துறையினர் பத்திரமாக மீட்டனர். மீட்கப்பட்ட நபர் நாமக்கல் மாவட்டத்தை சேர்ந்த சக்திவேல் என்பதும், அவர் முதல்நாள் இரவில் சுப்புக்குட்டி வீட்டில் திருட முயன்றதும் தெரிய வந்தது. மருத்துவமனையில் அனுமதிக்கப்பட்டுள்ள சக்திவேலுவை சிகிச்சைக்கு பின் நீதிமன்றத்தில் ஆஜர் படுத்துவதாக போலீசார் தெரிவித்துள்ளார்.