வீடு புகுந்து; பெண்ணை அலறவிட்ட KD... போலீசை ஆக்சன் எடுக்க விடாத அரசியல் `கை'

திண்டிவனத்தில் ரயில்வே ஊழியரின் மனைவியிடம் பாலியல் சீண்டலில் ஈடுபட்டவர் கைது செய்யப்பட்டார்

ஜார்க்கண்ட் மாநிலத்தைச் சேர்ந்த சந்திப் குமார், திண்டிவனம் ரயில் நிலையத்தில் பணியாற்றி வருகிறார். திண்டிவனத்தில் உள்ள ரயில்வே குடியிருப்பில் வசித்து வரும் இவரது வீட்டில் நள்ளிரவில் புகுந்த மர்ம நபர், கட்டிலுக்கு அடியில் மறைந்து படுத்து கொண்டார். அப்போது வெளியில் இருந்து வீட்டிற்குள் வந்த சந்திப் குமாரின் மனைவியிடம் அந்த நபர், அத்துமீறி பாலியல் சீண்டலில் ஈடுபட்டுள்ளார். சந்திப் குமார் மனைவி கூச்சலிட்டதும், தலைதெறிக்க ஓடிய மர்ம நபரை, துரத்தி பிடிக்க சந்திப் குமார் சென்றுள்ளார்.

சுவர் ஏறி குதித்து தப்ப முயன்றபோது, கை கால்களில் அடிபட்டு இரத்தம் சொட்டிக் கொண்டிருந்ததை கண்ட அப்பகுதி மக்கள், விபத்து நடந்துள்ளதாக கருதி அவரை மீட்டு திண்டிவனம் அரசு மருத்துவமனையில் சிகிச்சைக்காக சேர்த்துள்ளனர். போலீசாரின் விசாரணையில், அந்த மர்மநபர் தீர்த்த குளம் பகுதியை சேர்ந்த பாலு மகேந்திரன் என்பதும், அந்த பெண்ணிடம் தகாத முறையில் நடந்து கொள்ள முயன்றதும் தெரிய வந்தது.