நேற்று திறந்த கட்டடத்தில் விரிசல்.. "விழுந்தா குழந்தைங்க மேல தான் விழும்".. பதறும் பெற்றோர்

தேனி மாவட்டம், ஆண்டிப்பட்டி அருகே புதிதாக கட்டப்பட்ட அங்கன்வாடி கட்டடம் விரிசல் விழுந்து, சேதமடைந்த நிலையில் இருப்பதால் அப்பகுதியினர் அதிருப்தி அடைந்துள்ளனர். கோம்பைத்தொழு கிராமத்தில் புதிய அங்கன்வாடி கட்டடம் நேற்றைய தினம் திறக்கப்பட்டது. இந்நிலையில், புதிய அங்கன்வாடிக்கு தங்கள் பிள்ளைகளை அனுப்ப பெற்றோர் வருகை தந்தனர். அப்போது, புதிய கட்டடம் விரிசல் விழுந்து இருந்ததால் பெற்றோர் அதிர்ச்சி அடைந்தனர். இது குறித்து உரிய நடவடிக்கை எடுக்க வேண்டுமென கோரிக்கை விடுக்கப்பட்டுள்ளது.