`ஆம்புலன்சில் ஏற்ற எதிர்ப்பு' - போலீஸ் முன்பு இரு தரப்பினர் பயங்கர மோதல் - பரபரப்பு வீடியோ

ஆம்புலன்சில் ஏற்ற எதிர்ப்பு' - போலீஸ் முன்பு இரு தரப்பினர் பயங்கர மோதல் - பரபரப்பு வீடியோ

சேந்தமங்கலம் அருகே மேதரமாதேவி கிராமத்தை சேர்ந்த தேவநாதன், கற்பூரபிரியன் தரப்பினர் இடையே பல நாட்களாக பிரச்சனை இருந்ததாக தெரிகிறது. தீபாவளி நாளில் இருதரப்பிரினடையே மோதல் ஏற்பட்டு, ஒருவரையொருவர் சரமாரியாக தாக்கிக்கொண்டனர். தகவல் அறிந்து அங்கு வந்த சேந்தமங்கலம் காவல்நிலைய எஸ்.ஐ தமிழ்குமரன், இருதரப்பினரையும் சமாதானம் செய்தார். மோதலில் காயமடைந்த தேவநாதன் தரப்பை சேர்ந்த கோகுல், அபி விஷால் ஆகிய இருவரை, ஆம்புலன்சில் ஏற்ற முயன்றபோது, கற்பூரபிரியன் தரப்பினர் தாக்க முயன்றனர். இதையடுத்து, ஆம்புலன்ஸை நாமக்கல் அரசு மருத்துவமனைக்கு எஸ்.ஐ அனுப்பி வைத்தார். ஏற்கனவே காயமடைந்த கற்பூரபிரியன் தரப்பை சேர்ந்த கௌதம் என்பவர், சேந்தமங்கலம் அரசு மருத்துவமனையில் சிகிச்சை பெற்று வரும் நிலையில், எஸ்.ஐ முன்பே காயமடைந்தவர்களை தாக்க முற்படும் வீடியோ சமூக வலைதளத்தில் வைரலாகி வருகிறது.