வீட்டு வாசலில் நிறுத்திய செண்டிமெண்ட் கார் கோடுபோட்டு கிறுக்கிய நபர் குமுறும் கார் ஓனர்

தாழம்பூர் பகுதியில் உள்ள தனியார் அடுக்குமாடி குடியிருப்பில் வசித்து வரும் ஹரிஷ் என்பவர், தாம்பரத்தில் திரைப்படம் பார்க்கச் சென்றுள்ளார். அப்போது பார்க்கிங் பகுதி நிறைந்துவிட்டதால், திரையரங்கம் அருகில் உள்ள தெருவில் தனது காரை நிறுத்தி வைத்திருந்தார். இந்நிலையில், தனது கார் சேதப்படுத்தப்பட்டுள்ளதாகக் கூறி காவல்நிலையத்தில் புகார் அளித்தார். இதன்பேரில் போலீசார் நடத்திய விசாரணையில், காரை சேதப்படுத்தியது மேற்கு தாம்பரம், கோவிந்தராஜன் தெருவை சேர்ந்த முகமது சுபேர் என்பது தெரியவந்தது. அவரது வீட்டின் வாசல் அருகே கார் நிறுத்தப்பட்ட நிலையில், ஆத்திரத்தில் கீறல் போட்டதை ஒப்புக்கொண்டதாக தெரிகிறது. ஹரிஷ் அளித்த புகாரின் பேரில் தாம்பரம் காவல் நிலைய போலீசார் வழக்குப்பதிவு செய்து விசாரணை நடத்தி வருகின்றனர்.