சதம் அடித்த மீன்கார மாரியப்பன்.. பிசிறு தட்டாமல் தட்டி தூக்கிய போலீஸ் | Salem | Thanthitv

சேலம் மாவட்டம் தொளசம்பட்டி பகுதியில், வீடு புகுந்து கொள்ளையடிக்க முயன்ற மீன்கார மாரியப்பன் என்பவரை போலீசார் சுற்றிவளைத்து கைது செய்தனர். அவரிடம் போலீசார் விசாரணை நடத்தியபோது, இதுவரை 100 திருட்டை வெற்றிகரமாக முடித்துள்ளதாகவும், 101-வது திருட்டில் ஈடுபட்டபோது கைது செய்யப்பட்டதாகவும் தெரிவித்துள்ளார். மேலும் ஓமலூர் அருகே கடந்தாண்டு ஒரே தெருவில் உள்ள 10 வீடுகளில் அடுத்தடுத்து திருடியதாகவும், நூறு ரூபாய் என்றாலும் திருடி விடுவதாகவும் மீன்கார மாரியப்பன் தெரிவித்துள்ளார். இதுதவிர பல கோடி ரூபாய் மதிப்பிலான பொருட்களையும் அவர் தெரிவித்துள்ளார். இதையடுத்து மீன்கார மாரியப்பன் மீது போலீசார் வழக்குப்பதிவு செய்து சிறையில் அடைத்தனர்.