பள்ளி மாணவிக்கு நேர்ந்த விபரீதம்.. ஸ்கூல் வாசல் வந்தாலே பயம் தான்.. மனமுடைந்து பேசிய தாய்

பள்ளி மாணவிக்கு நேர்ந்த விபரீதம்.. ஸ்கூல் வாசல் வந்தாலே பயம் தான்.. "வாட்ச்மேன் இல்ல.. என் பாப்பாவுக்கு நடந்த மாறி.." - மனமுடைந்து பேசிய தாய்

சேலம் மாவட்டம் நட்டுவம்பாளையம் அரசு பள்ளி வளாகத்தில், 8ம் வகுப்பு மாணவியை நாய் கடித்து குதறிய சம்பவம் அதிர்ச்சியை ஏற்படுத்தி உள்ளது

நட்டுவம்பாளையம் அரசு மேல்நிலைப் பள்ளியில்

ஹரிணி ஸ்ரீ என்ற மாணவி 8ம் வகுப்பு படித்து வருகிறார். இந்த நிலையில் பள்ளி வளாகத்தில் சுற்றி திரிந்த நாய் ஒன்று மாணவியை கடித்து குதறி இருக்கிறது , மாணவியின் கதறல் சத்தம் கேட்டு வந்த ஆசிரியர்கள், மாணவியை சங்ககிரி அரசு மருத்துவமனையில் சேர்த்தனர். மருத்துவமனையில் மாணவிக்கு சிகிச்சை அளிக்கப்பட்டு வருகிறது. இந்த நிலையில் மாணவியின் தாயார் கூறுகையில், 500க்கும் மேற்பட்ட மாணவர்கள் படிக்கும் பள்ளியில் தெரு நாய்கள் சுற்றித்திரிவதாகவும் , உரிய பாதுகாப்பு இல்லாததால் இது போன்று நிகழ்வதாகவும் குற்றச்சாட்டை முன்வைத்தார், மேலும் சம்பந்தப்பட்ட அதிகாரிகள் குழந்தைகளின் பாதுகாப்பு குறித்து உரிய நடவடிக்கை எடுக்க வேண்டும் என கோரிக்கை விடுத்தார்.