மாணவர்களின் பொருளாதார நிலையை கருத்தில் கொண்டு, தேர்வுக் கட்டண உயர்வை, அண்ணா பல்கலைக்கழகம் திரும்பப் பெற வேண்டுமென, பா.ம.க நிறுவனர் ராமதாஸ் வலியுறுத்தியுள்ளார். நடைமுறைச் செலவுகள் அதிகரித்து வரும் நிலையில், அதற்கேற்றவாறு பல்கலைக்கழகங்களின் வருவாயை உயர்த்த வேண்டிய தேவை ஏற்பட்டிருப்பதை மறுக்க முடியாது என தெரிவித்த அவர், ஆராய்ச்சிகளை அதிகரிப்பது, புதிய கண்டுபிடிப்புகளை அறிவுசார் சொத்துரிமை அமைப்புகளில் பதிவு செய்து, அவற்றை பயன்படுத்துவோரிடமிருந்து காப்புரிமைக் கட்டணம் பெறுவது போன்றவற்றின் மூலமாகவே பல்கலைக்கழகங்களின் வருவாயை உயர்த்த வேண்டும் என்றும் தெரிவித்துள்ளார்.