திருவள்ளூர் மாவட்டம், பழவேற்காடு மீனவர்கள் மீது தாக்குதல் நடத்தப்பட்ட விவகாரத்தில், புதுச்சேரியைச் சேர்ந்த மீனவர்கள் மீது வழக்கு பதிவு செய்யப்பட்டுள்ளது. நேற்றைய தினம் பழவேற்காடு கடலில் வெளி மாவட்டத்தைச் சேர்ந்த மீனவர்கள், தடை செய்யப்பட்ட வலைகளைக் கொண்டு மீன் பிடிப்பதாக தெரிய வந்தது. இது குறித்து அப்பகுதியைச் சேர்ந்த மீனவர்கள் கேட்ட போது, வெளியூரில் இருந்து வந்த மீனவர்கள் அவர்கள் மீது தாக்குதல் நடத்தினர். இதில் இருவர் காயமடைந்து மருத்துவமனையில் அனுமதிக்கப்பட்டனர். இச்சம்பவம் குறித்து நடவடிக்கை எடுக்க வேண்டுமென மீனவர்கள் போராட்டம் நடத்தினர். இந்நிலையில், அடையாளம் தெரியாத 10 மீனவர்கள் மீது வழக்கு பதிவு செய்யப்பட்டுள்ளது...