அசத்தல் பந்துவீச்சு.. அடுத்தடுத்து பவுண்டரிகள் விளாசல்.. சேலம் அணியை துவம்சம் செய்த நெல்லை

டிஎன்பிஎல் தொடரில் சேலம் அணியை 3 விக்கெட் வித்தியாசத்தில் நெல்லை அணி வீழ்த்தியது.

சேலத்தில் நடைபெற்ற போட்டியில் டாஸ் வென்ற நெல்லை அணி பந்துவீச்சை தேர்வு செய்தது. முதலில் பேட்டிங் செய்த சேலம் அணி 20 ஓவர்களில் 141 ரன்களுக்கு ஆல்-அவுட் ஆனது. நெல்லை வீரர் சோனு யாதவ் அபாரமாக பந்துவீசி 5 விக்கெட் வீழ்த்தி அசத்தினார். பின்னர் களமிறங்கிய நெல்லை அணி, 18.5 ஓவர்களில் 7 விக்கெட்டுகளை இழந்து இலக்கை சேஸ் செய்தது. அஜிதேஷ் குருசாமி 45 ரன்களும், சூர்யபிரகாஷ் 43 ரன்களும் எடுத்து வெற்றிக்கு வழிவகுத்தனர். இதன்மூலம், 3 விக்கெட் வித்தியாசத்தில் வெற்றி பெற்ற நெல்லை அணி, 4 புள்ளிகளுடன் புள்ளிப்பட்டியலில் முதலிடத்தை பிடித்தது.