மாறி மாறி கொடூரமாக தாக்குதல்... நெல்லையை மிரளவிடும் அதிர்ச்சி காட்சிகள்

நெல்லை மாவட்டம் களக்காடு அருகே நடைபாதை பிரச்சினையால் இருதரப்பினர் மோதிக்கொண்ட சம்பவத்தால் பரபரப்பு ஏற்பட்டது. களக்காடு அருகேயுள்ள கீழகோவிலம்மாள்புரத்தைச் சேர்ந்த தர்மக்கண் என்பவர், மடத்துக்குச் சொந்தமான நிலத்தில் விவசாயம் செய்து வருகிறார். இவர், அதே பகுதியில் பொதுமக்கள் பல ஆண்டுகளாக பயன்படுத்தி வந்த நடைபாதையை மறித்து வேலி அமைத்துள்ளார். அதற்கு அப்பகுதியை சேர்ந்த இராமலிங்கம் என்பவரும், ஊர் பொதுமக்களும் எதிர்ப்பு தெரிவித்துள்ளனர். இந்நிலையில் தர்மக்கண் தனது உறவினர்களுடன் ராமலிங்கத்திடம் சென்று தகராறில் ஈடுபட்டுள்ளார். அப்போது, இருதரப்பினரும் ஒருவரையொருவர் தாக்கி கொண்டதால் பரபரப்பு ஏற்பட்டது. இது தொடர்பான வீடியோ சமூக வலைதளங்களில் பரவி வரும் நிலையில், இரு தரப்பை சேர்ந்த 10 பேர் மீது போலீசார் வழக்குப்பதிவு செய்துள்ளனர்.