ஹோட்டலில் பெண் ஓனரை ஆபாசமாக திட்டிய கஸ்டமர்.. கைகலப்பில் முடிந்த வாய் தகராறு

தூத்துக்குடி மாவட்டம் விளாத்திக்குளம் அருகே ஹோட்டலில் சாப்பிட்டு விட்டு ரகளையில் ஈடுபட்ட 3 பேரை போலீசார் கைது செய்துள்ளனர்

புதூர் அருகே உள்ள கீழக்கரந்தையைச் சேர்ந்த ராமர் மற்றும் அவரது நண்பர் திருமேனி ஆகிய இருவரும் மது அருந்திவிட்டு புதூர் பஜார் பகுதியில் உள்ள ஹோட்டலுக்கு சாப்பிட சென்றுள்ளனர். அப்போது, 10 ஆம்லேட் சாப்பிட்ட அவர்கள், ஹோட்டலில் இருந்த பெண் உரிமையாளரிடம் ஆபாச வார்த்தைகளால் பேசி தகராறில் ஈடுபட்டதாக கூறப்படுகிறது. மேலும், தனது நண்பர்களுடன் சென்று ஹோட்டலில் இருந்த பொருட்களை சூறையாடியதாக தெரிகிறது. இது குறித்து அருகில் இருந்தவர்கள் தட்டி கேட்ட போது, இரு தரப்பினரும் ஒருவரை ஒருவர் சரமாரியாக தாக்கி கொண்டனர். சம்பவம் குறித்து 6 பேர் மீது வழக்குப் பதிவு செய்த போலீசார் 3 பேரை கைது செய்தனர்...