குட்டையில் மிதந்த தந்தை, மகள் சடலம்... உயிரற்ற உடலாய் அண்ணன் மகள்... கதறும் குடும்பம் - கோவையில் அதிர்ச்சி

குட்டையில் மூழ்கி தந்தை, மகள், உட்பட மூவர் உயிரிழந்த சம்பவம் சோகத்தை ஏற்படுத்தியுள்ளது

கோவை மாவட்டம் சுல்தான் பேட்டை ஒன்றியம், போகம்பட்டியை சேர்ந்தவர் மணிகண்டன். இவர் தனது மகள் தமிழ்செல்வி மற்றும், அண்ணன் மகள் புவனாவுடன் அருகில் உள்ள குட்டைக்கு சென்ற நிலையில் வெகு நேரம் ஆகியும் வீடு திரும்பவில்லை. சந்தேகமடைந்த புவனாவின் தயார் சரோஜா, குட்டைக்கு சென்று பார்த்த போது, தமிழ்செல்வியின் உயிரற்ற உடல் கரையில் மிதந்து கொண்டிருந்தது. அதிர்ச்சியடைந்த சரோஜா, கத்தி கதறிய நிலையில், அக்கம் பக்கத்தினர் உதவியுடன்,

சுல்தான் பேட்டை போலீஸ் நிலையத்திற்கும், தீயணைப்பு நிலையத்திற்கும் தகவல் தரப்பட்டது. உயிரிழந்த மூவரின் உடலும் மீட்கப்பட்டு, உடற்கூராய்விற்கு அனுப்பி வைக்கப்பட்டது. உயிரிழந்த மூவரும், நீச்சல் தெரியாமல் உயிரிழந்திருக்கலாம் என போலீஸ் விசாரணையில் தெரியவந்துள்ளது. குட்டை மற்றும் குளப்பகுதியில் குளிக்க தடை விதித்து அறிவிப்பு பலகை வைக்க வேண்டும் என அப்பகுதி மக்கள் கோரிக்கை வைத்துள்ளனர்.