கள்ளக்குறிச்சியை உலுக்கிய மாணவர் மரணம்..செல்போனில் பேராசிரியர்கள் செய்த செயல்.. விசாரணையில் திடுக்கிடும் தகவல்

கள்ளக்குறிச்சி அருகே, தனியார் கல்லூரி விடுதியில் மாணவர் தூக்குபோட்டு தற்கொலை செய்து கொண்ட சம்பவத்தில், 2 பேராசிரியர்களை போலீசார் கைது செய்தனர்.

சின்ன சேலம் அடுத்த அ. வாசுதேவனூர் கிராமத்தில் உள்ள தனியார் பொறியியல் கல்லூரி விடுதியில் அபித்குமார் என்ற மாணவர் தூக்குபோட்டு தற்கொலை செய்து கொண்டார். இந்த சம்பவம் தொடர்பாக போலீசார் வழக்குப்பதிவு செய்து விசாரணை நடத்தியதில், கல்லூரிக்கு ஒரு நாள் விடுப்பு எடுத்ததன் காரணமாக, பேராசிரியர்களான மாரியப்பன் மற்றும் செல்லத்துரை ஆகிய இருவர், மாணவனை கண்டித்துள்ளனர். மேலும், செல்போன் மூலம் மாணவனின் அண்ணனுக்கு போன் செய்து, காரணம் ஏதும் கூறாமல், பெற்றோரை கல்லூரிக்கு அழைத்ததால், மனமுடைந்த அபித்குமார் தூக்குபோட்டு தற்கொலை செய்து கொண்டது தெரியவந்தது. இதனையடுத்து, தற்கொலைக்கு தூண்டியதாக பேராசிரியர்கள் இருவரை போலீசார் கைது செய்து விசாரணை நடத்தி வருகின்றனர்.