கடையநல்லூர் அருகே துரைசாமிபுரத்தில் வளர்ப்பு நாய் கடித்ததில் சலவை தொழிலாளி உயிரிழந்தார்.
தென்காசி மாவட்டம் நயினாரகரம் பஞ்சாயத்துக்கு உட்பட்ட துரைச்சாமிபுரம் காலனி வசிக்கும் சலவை தொழிலாளியான சண்முகம் மகன் முத்தையா, தனது வீட்டில் நாய் ஒன்றை வளர்த்து வந்துள்ளார். அந்த நாயை வெறிநாய் ஒன்று கடித்ததாக கூறப்படுகிறது. இதனால் வெறிபிடித்த அவரது வளர்ப்பு நாய் முத்தையாவை பயங்கரமாக கடித்துள்ளது. இதற்கு முத்தையா சிகிச்சை எடுக்காமல் இருந்துள்ளார்.
இந்நிலையில், இரண்டு நாட்களுக்கு முன்பு உடல்நல குறைவு காரணமாக மருத்துவமனையில் அனுமதிக்கப்பட்ட அவர், அங்கு சிகிச்சை பலனின்றி உயிரிழந்தார்.