காற்றுடன் விடாமல் வெளுத்து வாங்கிய கனமழை - கடலோர பகுதிகள் பொதுமக்கள் அவதி

நாகையில் காற்றுடன் கூடிய கனமழை பெய்து வருவதால் மக்களின் இயல்பு வாழ்க்கை பாதிக்கப்பட்டுள்ளது. வங்க கடலில் உருவான காற்றழுத்த தாழ்வு மண்டலம் வலுப்பெற்றதன் காரணமாக, நாகை உள்ளிட்ட 9 துறைமுகங்களில் இன்று 1ம் எண் புயல் எச்சரிக்கை கூண்டு ஏற்றப்பட்டுள்ளது. நாகையில் கடலோர பகுதிகளில் காற்றுடன் கூடிய கனமழை வெளுத்து வாங்கி வருகிறது. நாகூர், வேளாங்கண்ணி, வேதாரண்யம், செருதூர், வாஞ்சூர், உள்ளிட்ட கடலோர பகுதிகள் வெகுவாக பாதிக்கப்பட்டுள்ளன.