வேட்டை நாயை வைத்து காட்டுக்குள் இருவர் செய்த காரியம்.. ரோந்து சென்ற வனத்துறைக்கு காத்திருந்த ஷாக்

செங்கம் அடுத்த சாத்தனூர் வனப் பகுதிகளில் வனவிலங்குகள் வேட்டையாடப் படுவதாக வனத்துறையினருக்கு தகவல் கிடைத்துள்ளது, இதனடிப்படையில் வனச்சரகத்துக்குள் ரோந்து பணியில் ஈடுபட்ட அதிகாரிகள், வேப்பூர் பெண்னையாறு காப்பு காட்டில் வைத்து இருவரை கைது செய்தனர். இருவரும், வேட்டை நாய்களை பயன்படுத்தி அரிய வகை உயிரினமான உடும்புகளை வேட்டையாடி வெளிமாநிலங்களுக்கு கடத்தி வந்தது தெரியவந்தது. இளையாங்கண்ணி பகுதியை சேர்ந்த ஆனஸ்ட் வின்சென்ட் மற்றும் மைக்கல் அலெக்சாண்டர் ஆகிய இருவரையும் கைது செய்த வனத்துறை, அவர்களிடமிருந்து 7 உடும்புகள் மற்றும் இரு சக்கர வாகனத்தை பறிமுதல் செய்த நிலையில், இருவரையும் சிறையில் அடைத்தனர். இதனிடையே, வேட்டைக்கு பயன்படுத்திய 2 வேட்டை நாய்களுடன் தப்பிச் சென்ற தங்கமணி என்பவரை வனத்துறை அதிகாரிகள் வலைவீசி தேடி வருகின்றனர்.