மனைவி கொடுத்த அந்த கம்பளைண்ட்...12 வருடத்திற்கு பிறகு சிக்கிய கணவன் - ஏர்போர்ட் அதிகாரிகள் அதிரடி

வரதட்சணை கொடுமை வழக்கில், 12 ஆண்டுகளாக தலைமறைவாக இருந்த ஆந்திராவை சேர்ந்த நபர் சென்னை விமான நிலையத்தில் பிடிபட்டார். எத்தியோபியாவில் இருந்து சென்னை வந்த விமானத்தில் குடியுரிமை அதிகாரிகள் சோதனை செய்தனர். இதில், ஆந்திர மாநிலம் விஜயவாடாவை சேர்ந்த நரஹரி ஷெட்டியின் ஆவணங்களை சோதித்தபோது, கடந்த 2011ம் ஆண்டு விஜயவாடா அனைத்து மகளிர் காவல் நிலையத்தில், அவர் வரதட்சணை கொடுமை வழக்கு பதிவானது தெரியவந்தது. லுக் அவுட் நோட்டீஸ் வழங்கப்பட்டுள்ள நிலையில், நரஹரி ஷெட்டி கைது குறித்து விஜயவாடா போலீசுக்கு தகவல் தெரிவிக்கப்பட்டது. பின்னர் விஜயவாடா போலீசார் சென்னை வந்து அவரை அழைத்துச் சென்றனர்.