ஒகேனக்கல் காவிரி ஆற்றுக்கு ஒரே நாளில் நீர்வரத்து கடுமையாக சரிந்துள்ளது. நேற்றைய தினம் ஒரு லட்சத்து 45 ஆயிரம் கனஅடியாக வந்து கொண்டிருந்த நீர்வரத்து தற்போது 55 ஆயிரம் கனஅடியாக குறைந்துள்ளது. கர்நாடகா அணைகளில் இருந்து திறந்து விடப்படும் நீரின் அளவு குறைக்கப்பட்டதால், நீர்வரத்து சரிந்துள்ளது. இருப்பினும் ஒகேனக்கல் காவிரி ஆற்றில் குளிக்கவும் பரிசல் இயக்கவும் 15வது நாளாக தடை நீட்டிக்கப்பட்டுள்ளது.