கனிம வளம் ஏற்றி வந்த லாரியால் விபத்து -கார் மீது மோதியதில் 2 சிறுமிகள் காயம் பொதுமக்கள் சாலை மறியல்

கன்னியாகுமரியில், கனிம வளம் ஏற்றி வந்த லாரி, கார் மீது மோதிய விபத்தில், 2 பள்ளி மாணவிகள் லேசான காயமடைந்தனர். குலசேகரத்தைச் சேர்ந்த ரவி என்பவர், காரில் தனது 2 குழந்தைகளை பள்ளியில் இருந்து அழைத்துச் சென்றுள்ளார். அப்போது பின்னால், கனிமவளங்களை ஏற்றி வந்த லாரி, கார் மீது மோதியது. இதில் 2 சிறுமிகளும் காயமடைந்தனர். கனிமவள லாரிகளால் தொடர்ந்து விபத்து ஏற்படுவதாகக்கூறி பொதுமக்கள் சாலை மறியல் போராட்டத்தில் ஈடுபட்டனர். காவல்துறையினர் பேச்சுவார்த்தை நடத்தியதைத் தொடர்ந்து போராட்டம் கைவிடப்பட்டது.