திடீரென தீப்பிடித்து எரிந்த எலக்ட்ரிக் பைக் - அதிருஷ்டவசமாக உயிர் தப்பிய குடும்பம்!
கடம்பத்தூர் ஒன்றியம் நரசிங்கபுரம் பகுதியில் விவசாயி தேவராஜ், கடந்த 7 மாதங்களாக மின்சார இருசக்கர வாகனத்தை பயன்படுத்தி வருகிறார்.
கடம்பத்தூர் ஒன்றியம் நரசிங்கபுரம் பகுதியில் விவசாயி தேவராஜ், கடந்த 7 மாதங்களாக மின்சார இருசக்கர வாகனத்தை பயன்படுத்தி வருகிறார். வழக்கம் போல வாகனத்தை வீட்டிற்குள் நிறுத்தி வைத்து விட்டு குடும்பத்துடன் தூங்கி உள்ளார். திடீரென அதிகாலை 4:30 மணியளவில் இருசக்கர வாகனம் தீப்பிடித்து எரிந்துள்ளது. இதனை பார்த்து அதிர்ந்து போன அவர், தீயை அணைக்க முயன்றார். ஆனால் அதன் அருகே இருந்த பெட்ரோல் வாகனமும் தீப்பிடித்து எரிந்ததில் வீடே தீயில் உருக்குலைந்தது. உடனடியாக வீட்டில் இருந்தவர்கள் வெளியேறியதால் அசம்பாவிதம் தவிர்க்கப்பட்டது. தகவலறிந்த மப்பேடு போலீசார் வழக்குப்பதிவு செய்து விசாரணை நடத்தி வருகின்றனர்.