சிரமப்பட்ட மூதாட்டி - காலணி அணிவித்து உதவிய டி.எஸ்.பி..!

வேலூர் மாவட்டம் குடியாத்தம், குடியாத்தம் நகராட்சி அலுவலகத்தில், வேட்புமனு தாக்கல் விறுவிறுப்பாக நடந்து வருகிறது. இதனால், நகராட்சி அலுவலகம் அருகே கடும் போக்குவரத்து நெரிசல் ஏற்பட்டது. அப்போது, அந்தப் பகுதியில், குடியாத்தம் டிஎஸ்பி ராமமூர்த்தி தலைமையில் 50க்கும் மேற்பட்ட போலீசார் பாதுகாப்பு பணியில் ஈடுபட்டிருந்தனர். அப்போது, அந்தப் பகுதியில், தடுமாற்றத்துடன் வந்த மூதாட்டியை கவனித்த டி.எஸ்.பி, மூதாட்டியின் காலணியின் காது விலகியதை கவனித்தார். சற்றும் தாமதிக்காத டி.எஸ்.பி, உடனடியாக மூதாட்டியின் காலணியை சரிசெய்து, அதை அவரது காலில்  அணிவித்தார். பொது வெளியில், மூதாட்டிக்கு டி.எஸ்.பி உதவிய காட்சிகள், சமூக வலைதளங்களில் வேகமாக பகிரப்பட்டு வருகிறது.