"வயிறு எரியுது" - ஷோரூம் முன்னாலேயே ரூ.2 லட்சம் புதுபைக்கை கொளுத்திய சென்னைக்காரர்

சென்னை, அம்பத்தூரில் தனது இ-பைக்கை இளைஞர் ஒருவர் சாலையில் வைத்து தீயிட்டு கொளுத்த முயன்ற சம்பவம் பெரும் பரபரப்பை ஏற்படுத்தியிருக்கிறது. விரக்தியில் அவர் கொட்டிய மனக்குமுறலும், குற்றச்சாட்டும் பரபரப்பை மேலும் கூட்டியிருக்கும் நிலையில், விரிவாக பார்க்கலாம் இந்த செய்தி தொகுப்பில்..

சென்னை அம்பத்தூர் தொழிற்பேட்டையில் உள்ள பிரபல இ-பைக் ஷோரூம் முன்புதான் இந்த சம்பவம்..

சுமார், 1 லட்சத்து 80 ஆயிரம் ரூபாய்க்கு தான் வாங்கிய

இ-பைக்கை இளைஞர் திடீரென சாலையில் வைத்து தீயிட்டு கொளுத்த முயன்ற சம்பவம் பெரும் பரபரப்பை ஏற்படுத்தி இருக்கிறது..

சில நாள்களுக்கு முன் திடீரென இ-பைக் கோளாறானதாகவும், சரி செய்து தரும் படி சம்பந்தப்பட்ட ஷோரூமில் கொடுத்தால், எப்படி கொடுத்தேனோ, அப்படியே திருப்பி கொடுத்து தன்னை அலைக்கழிக்க வைப்பதாகவும் குமுறுகிறார் சென்னை, திருமுல்லை வாயலை சேர்ந்த இந்த பார்த்த சாரதி..

சம்பந்தப்பட்ட தனியார் இ-பைக் ஷோரூம், பைக் குறித்து தான் தெரிவித்த புகாரை காது கொடுத்து கேட்காமலும், மேலும் முறைப்படி பதிலளிக்காமலும் தன்னை மன உளைச்சலுக்கு ஆளாக்கியதால் பைக்கை தீ வைத்து கொளுத்தும் முடிவுக்கு வந்ததாக நடுரோட்டில் இளைஞர் குமுறியது இ-பைக் பயனர்களை கதிகலங்க செய்திருக்கிறது.

இந்நிலையில், சம்பவமறிந்து வந்த போலீசார் இளைஞரை தனியே அழைத்து பேசிய நிலையில், அவர்களிடமும் இதே மனக்குமுறலை கொட்டியிருக்கிறார் அவர்..

பெரும் பொருட்செலவில் தான் வாங்கிய பிரபல நிறுவனத்தின் இ-பைக்கை இளைஞர் ரோட்டில் வைத்து தீயிட்டு கொளுத்த முயன்ற சம்பவமும், இந்த பகீர் குற்றச்சாட்டுகளும் பெரும் பரபரப்பை ஏற்படுத்தியிருக்கும் நிலையில், இது குறித்து போலீசார் தீவிர விசாரணை நடத்தி வருகின்றனர்...