சிலிண்டர் விலை மேலும் ரூ.25 அதிகரிப்பு: விலை உயர்வு இன்று முதல் அமலுக்கு வந்ததாக அறிவிப்பு
தமிழகத்தில் வீட்டு உபயோக சிலிண்டர் விலையை மேலும் 25 ரூபாய் உயர்த்தி, எண்ணெய் நிறுவனங்கள் அறிவிப்பு வெளியிட்டுள்ளன.
செப்டம்பர் மாதத்திற்கான சிலிண்டர் விலை இன்று மாற்றி அமைக்கப்பட்டுள்ளது. இதன்படி தமிழகத்தில்
சமையல் எரிவாயு சிலிண்டர் விலை 25 ரூபாய் உயர்த்தப்பட்டுள்ளது.
இதன்படி, சென்னையில் வீட்டு உபயோக சிலிண்டர் விலை 900 ரூபாயை தாண்டியது.
இதேபோல் வணிக பயன்பாட்டு சிலிண்டர் விலை 75 ரூபாய் உயர்ந்து, ஒரு சிலிண்டர் விலை ஆயிரத்து 831 ரூபாயாக நிர்ணயிக்கப்பட்டுள்ளது.
இந்த விலை உயர்வு இன்று முதல் அமலுக்கு வந்ததாக எண்ணெய் நிறுவனங்கள் அறிவித்துள்ளன.