"வாழும் போதே வள்ளலாக வாழ்ந்தவர் ராமசாமி படையாச்சி" - முதல்வர் எடப்பாடி பழனிசாமி புகழாரம்

கடந்த ஆண்டு அக்டோபரில், சென்னையில் அகில இந்திய வன்னியகுல சத்திரிய சங்கங்களின் பேரமைப்பு சார்பில் முதலமைச்சருக்கும், துணை முதலமைச்சருக்கும் பாராட்டு விழா நடைபெற்றது. இந்த விழாவில் பேசிய முதலமைச்சர்,  தமிழக சட்டப்பேரவையில் ராமசாமி படையாச்சியாரின் முழு உருவ படம் திறந்து வைக்கப்படும் என அறிவித்திருந்தார். இந்நிலையில், தமிழக சட்டப்பேரவையில் ராமசாமி படையாச்சியாரின் திருவுருவப்படத்தை  முதலமைச்சர் பழனிசாமி திறந்து வைத்தார். இதையடுத்து, விழாவில் பேசிய அவர்,  வாழும் போதே வள்ளலாக வாழ்ந்த ராமசாமி படையாச்சி, ஒடுக்கப்பட்ட மக்கள் மீது அதிக அக்கறை காட்டிய தலைவர்களில் முதன்மையானவர் என்று புகழாரம் சூட்டினார்.