24 மணி நேரமும் திறந்திருக்கும் கடைகள், நிறுவனங்கள்...அமலுக்கு வந்த நடைமுறை

வேலைவாய்ப்பை பெருக்கும் நோக்கில் கடந்த 28 ம் தேதி,  கடைகள் மற்றும் நிறுவனங்களை 24 மணி நேரமும்  திறப்பதற்கான அரசு அறிவிப்பாணை வெளியிட்டது. இந்த நிலையில் இன்று அரசிதழிலிலும் வெளியிடப்பட்டதால், உடனடியாக 24 மணி நேரம் கடைகள் மற்றும்  நிறுவனங்கள் திறப்பது அமலுக்கு வந்துள்ளது.இரவு நேரங்களில் கடைகள் திறப்பதால் பாதுகாப்பு பிரச்சனைகள் எழுவதாக காவல் துறை கருதினால் அவர்களின் விதிகளுக்கு உட்பட்டு காவல் துறை முடிவு செய்து கொள்ளலாம் முடிவு செய்யப்பட்டுள்ளது. மேலும் திரையரங்குகளை பொருத்தவரை  திறப்பதற்கு தடையில்லை என்றாலும், காட்சிகள் ஒளிபரப்புவது குறித்து உள்துறை சில விதிமுறைகளை வைத்திருப்பதால், உரிய அனுமதி பெற்று 24 மணி நேரம் இயக்குவதற்கான வாய்ப்பு இந்த அறிவிப்பாணை மூலமாக ஏற்பட்டுள்ளது.