வாக்கு எண்ணும் மையத்தைச் சுற்றி 3 அடுக்கு பாதுகாப்பு : கேமரா மூலம் 24 மணி நேரமும் கண்காணிப்பு தீவிரம்

ராமநாதபுரம் தொகுதியில் பதிவான, மின்னணு வாக்குப்பதிவு இயந்திரங்கள்,  ராமநாதபுரம் அண்ணா பொறியியல் கல்லூரியில் வைக்கப்பட்டுள்ளன. இங்கு மத்திய, மாநில போலீசாரை உள்ளடக்கிய 3 அடுக்கு பாதுகாப்பு போடப்பட்டுள்ளது. நாளை வாக்கு எண்ணப்பட உள்ள நிலையில்,  பாதுகாப்பு முன்னேற்பாடுகளை போலீசார் செய்து வருகின்றனர். கல்லூரி வளாகம் முழுவதும் கண்காணிப்பு கேமரா மூலம் கண்காணிக்கப்பட்டு வருவதுடன், கல்லூரியின் மேல்தளத்தில் இருந்து சுமார் ஒரு கிலோ மீட்டர் தூரத்திற்கு கண்காணிக்கும் வகையில் சுழலும் கேமரா பொருத்தப்பட்டுள்ளது.  கல்லூரிக்கு செல்லும் அரசு ஊழியர் மற்றும் கல்லூரி ஊழியர் உள்ளிட்ட அனைவரும் முழு சோதனைக்கு உட்படுத்தப்பட்டு வருகின்றனர்.