திமுகவுக்கு மக்கள் வாக்களிக்க மாட்டார்கள் : எடப்பாடி பழனிச்சாமி

ஒட்டபிடாரம் சட்டமன்ற தொகுதி அதிமுக வேட்பாளர் மோகனை ஆதரித்து, தூத்துக்குடி மாவட்டம், தருவைகுளம் பகுதியில் முதலமைச்சர் பழனிசாமி பிரசாரம் மேற்கொண்டார். பிரசார கூட்டத்தில் பேசிய அவர், வரலாற்றிலேயே முதல்முறையாக, நாடாளுமன்ற தேர்தல் ரத்து செய்யப்பட திமுக காரணமாக இருந்ததாக கூறினார். திமுக தலைவர் ஸ்டாலின் மக்களின் கஷ்டங்களை அறியாமல் பேசி வருவதாகவும், தாம் என்றும் மக்களின் தொண்டன் தான் என்றும் முதலமைச்சர் எடப்பாடி பழனிசாமி குறிப்பிட்டார். தொடர்ந்து பேசிய அவர், திமுகவுக்கு மக்கள் வாக்களிக்க மாட்டார்கள் என்றார்.