வீட்டின் உரிமையாளர் வாடகைதாரர் இடையே மோதல் : அடியாட்கள் மூலம் தாக்கப்பட்ட பிளம்பர்
சென்னையில் வீட்டு உரிமையாளர் ஒருவருக்கும் வாடகைக்கு குடியிருக்கும் பெண்ணுக்கும் இடையிலான தகராறில், பழுதுநீக்க வந்த பிளம்பர் தாக்கப்பட்டுள்ளார்.
சென்னை புழல் பகுதியில் உள்ள லட்சுமிபுரத்தை சேர்ந்த பாபு ஆண்டவர் வீட்டில், சாந்தி என்பவர் வாடகைக்கு குடியிருக்கிறார். வாடகை கொடுப்பதில் இருவருக்கும் இடையே தகராறு ஏற்பட்டுள்ளது. இந்தநிலையில், வீட்டுக் குழாயில் உள்ள பழுதை நீக்குவதற்காக, பிளம்பர் ஒருவரை பாபு ஆண்டவர் வரவழைத்துள்ளார். பிளம்பர் தனது பணியை செய்து கொண்டிருந்தபோது, அங்கு வந்த சிலர் அவரை தாக்கியுள்ளனர். அந்த வீடியோ சமூக வலைதளங்களில் பரவியதை தொடர்ந்து, சாந்தி அடியாட்களை ஏவிவிட்டு, தன் மீது வீண்பழி சுமத்துவதாக பாபு ஆண்டவர் புகார் தெரிவித்துள்ளார்.