பேட்ட, விஸ்வாசம் வெளியிடும் திரையரங்குகள் மீது நடவடிக்கை

சமூக ஆர்வலர் தேவராஜன் என்பவர் அளித்த புகார் மனுவில், இரு திரைப்படமும் அரசு விடுமுறையில்லாத, நாட்களில்  6 காட்சிகள் திரையிடப்பட உள்ளதாக ஆன் லைனில்  அறிவிப்பு வெளியிடப்பட்டுள்ளதாக கூறியுள்ளார். இது சட்டத்திற்கு புறம்பான செயல் என்றும், இது போன்ற தினங்களில் 4 காட்சிகள் திரையிட வேண்டும் என்ற அரசாணை உள்ளதாகவும் கூறியுள்ளார். அதையும் மீறி 6 காட்சிகள் திரையிட இருப்பது, அரசுக்கு வருவாய் இழப்பு ஏற்படும் என்றும் புகார் மனுவில் அவர் குறிப்பிட்டுள்ளார். 

மேலும், 6 காட்சிகள் திரையிடும் திரையரங்குகளின், அங்கீகாரத்தை ரத்து செய்து காவல்துறை நடவடிக்கை எடுத்து, 6 காட்சிகளுக்கு வசூல் செய்த கட்டணங்களை திருப்பி அளிக்க வேண்டும் எனவும் புகார் மனுவில் தெரிவிக்கப்பட்டுள்ளது.