பெட்ரோலில் தண்ணீர் கலந்து வருவதாக புகார்

சென்னை அம்பத்தூர் தொழிற்பேட்டையில் உள்ள ஒரு பெட்ரோல் பங்கில் விற்பனை செய்யப்படும் பெட்ரோலில் தண்ணீர் கலந்து வருவதாக வாகன ஓட்டிகள் புகார் தெரிவித்துள்ளனர். இதனால் பாதிக்கப்பட்டவர்கள் பெட்ரோல் பங்கை முற்றுகையிட்டு ஊழியர்களிடம் வாக்குவாதத்தில் ஈடுபட்டனர். தகவலறிந்த பெட்ரோலிய நிறுவன அதிகாரிகள் சம்பவ இடத்திற்கு விரைந்து ஆய்வு மேற்கொண்டனர். அப்போது, பெட்ரோலில் எத்தனால் அதிகம் கலந்திருப்பதாக வாகன ஓட்டிகள் புகார் தெரிவித்தனர். இதையடுத்து போலீசார் சமாதானம் செய்து அவர்களை அனுப்பி வைத்தனர். இந்த சம்பவத்தால் அங்கு பரபரப்பு ஏற்பட்டது.