பேருந்தை வழிமறித்த ஒற்றை யானை : பயணிகள் அச்சம்

ஒசூர் அருகே தனியார் பேருந்தை காட்டு யானை ஒன்று வழிமறித்தததால் பயணிகள் அச்சமடைந்தனர். தேன்கனிக்கோட்டையில் இருந்து கெலமங்கலம் நோக்கி பேருந்து ஒன்று சென்றுகொண்டிருந்தது. கலுகோபசந்திரம் அருகே சென்ற போது காட்டு யானை பேருந்தை வழி மறித்தது. இதனையடுத்து பேருந்தை ஓட்டுனர் உடனடியாக நிறுத்தியுள்ளார். அந்த யானை அருகில் உள்ள பள்ளி கட்டிடத்திற்குள் சென்று பின்னர் காட்டுக்குள் சென்றது.