ஆட்டம் காட்டிய திருடன் - சினிமாவை மிஞ்சிய "சேசிங்" : 3 மணி நேரத்தில் திருடனை பிடித்த போலீசார்

* சென்னிமலை சாலையைச் லாரி உரிமையாளரான மகேஷ்குமாரின்,  வீட்டை வெளியே பூட்டிவிட்டு ம‌ர்ம நபர் ஒருவர் லாரியை திருடி சென்றுள்ளார். இதுதொடர்பாக போலீஸில் மகேஷ்குமார் புகார் அளித்தார். சற்றும் தாமதிக்காத காவல் ஆய்வாளர் செல்வராஜ், அருகே உள்ள காவல் நிலையங்களை உஷார் படுத்தியுள்ளார்.  அதன் பலனாக திருடப்பட்ட லாரி காங்கேயம் நோக்கி சென்றுகொண்டிருந்த‌தை அறிந்த போலீசார், லாரியை பிடிக்கும் பணியில் இறங்கினர். 

* போலீசாருடன் சேர்ந்து லாரி உரிமையாளர்களும் திருடனை துரத்த, வைக்கப்பட்ட அனைத்து தடுப்புகளையும் லாவகமாக கடந்து சென்று திருடன் போலீசாருக்கு அதிர்ச்சி கொடுத்துள்ளான். பெருந்துறை நெடுஞ்சாலையில் சுற்றி வளைக்கப்பட்டபோதும், திருடன் அருகே உள்ள புதருக்குள் ஒளிந்து கொண்டு 1 மணி நேரம் ஆட்டம் காட்டியுள்ளான். மணி நேர போராட்டத்திற்கு பிறகு திருடனை போலீசார் பிடித்தனர்.  விசாரணையில், லாரியை திருடியவன், திருப்பூர் கும்பாபாளையம் பகுதியை சேர்ந்த முருகேசன் என்பது தெரியவந்த‌து. தொடர்ந்து, லாரியை திருடியது குறித்து போலீசாரிடம் அவன் நடித்து காட்டினான். 3 மணி நேரத்தில் திருடனை பிடித்த போலீசாருக்கு பாராட்டுக்கள் குவிகின்றன.