மலைப்பகுதியில் காட்டாற்று வெள்ளம் : சாலையை சீரமைத்த மலை கிராமமக்கள்
சத்தியமங்கலம் அருகே காட்டாற்று வெள்ளத்தில் சேதம் அடைந்த சாலையை பொதுமக்கள் சரிசெய்ததை தொடர்ந்து, போக்குவரத்து சேவை தொடங்கியது.
சத்தியமங்கலம் வனப்பகுதியில் தொடரும் மழை காரணமாக, காட்டாற்று வெள்ளம் ஏற்பட்டுள்ளது. அரிகியம், மாக்கம்பாளையம், கோம்பைதொட்டி உள்ளிட்ட மலை கிராமங்களுக்கு செல்லும் சாலை வெள்ளத்தில் சேதம் அடைந்தது. இதையடுத்து, மலைகிராமங்களுக்கு போக்குவரத்து சேவை துண்டிக்கப்பட்டது. உடனடியாக மலை கிராமமக்கள் ஒன்று திரண்டு, காட்டாற்று வெள்ளத்தில் சேதம் அடைந்த சாலைகளை சீரமைத்தனர். இதனை தொடர்ந்து, மலைகிராமங்களுக்கு பேருந்துகள் இயக்கப்பட்டன.