பிங்க் நிற பந்தில் சதம் அடித்த இந்திய வீராங்கனை - ஆஸி. மண்ணில் ஸ்மிருதி மந்தனா சாதனை

ஆஸ்திரேலிய மண்ணில் முதல் டெஸ்ட் சதம் விளாசிய இந்திய வீராங்கனை என்ற சாதனையை ஸ்மிருதி மந்தனா படைந்துள்ளார். இந்தியா, ஆஸ்திரேலியா அணிகள் இடையிலான, பகல்-இரவு டெஸ்ட் கிரிக்கெட் போட்டி ஆஸ்திரேலியாவின் குயின்ஸ்லாந்து நகரில் நடைபெற்று வருகிறது. இந்த போட்டியில் டாஸ் வென்ற ஆஸ்திரேலிய மகளிர் அணி முதலில் பந்து வீச்சை தேர்வு செய்த‌து. இந்திய அணியில் தொடக்க ஆட்ட வீராங்கனைகள் ஸ்மிருதி மந்தனா, ஷபாலி வர்மா ஆகியோர் களம் இறங்கினார். தொடக்கத்தில் இருந்தே நிதானமான ஆட்டத்தை வெளிப்படுத்திய மந்த‌னா 170 பந்துகளில் தனது முதல் டெஸ்ட் சத‌த்தை நிறைவு செய்தார். மேலும், ஆஸ்திரேலிய மண்ணில் முதல் டெஸ்ட் சதம் விளாசிய இந்திய வீராங்கனை என்ற சாதனையும் மந்தனா படைந்துள்ளார். இதேபோல், இதையடுத்து, மந்தனாவுக்கு பல்வேறு தரப்பினரும் பாராட்டு தெரிவித்து வருகின்றனர்.