உலக கோப்பை கால்பந்து தகுதி சுற்று - ஓமன் அணியிடம் இந்தியா போராடி தோல்வி

கவுகாத்தியில் நடந்த உலக கோப்பை கால்பந்து தகுதி சுற்று போட்டியில் , ஓமன் அணியிடம் இந்திய அணி போராடி தோல்வி அடைந்தது. 2022-ம் ஆண்டு கத்தாரில் நடக்கும் உலக கோப்பை கால்பந்து போட்டிக்கான தகுதி சுற்று பல்வேறு நாடுகளில் நடைபெறுகிறது. இதில் ஆசிய கண்டத்திற்கான தகுதி சுற்றில், ஓமன் அணியும், இந்திய அணியும் மோதின. ஆட்டத்தின்  24வது நிமிடத்தில் பிரான்டன் பெர்ணான்டஸ் தட்டி கொடுத்த பந்தை நட்சத்திர வீரர் சுனில் சேத்ரி, கோல் அடித்து அசத்தினார். முதல் பாதியில் இந்திய அணி முன்னிலை பெற்ற போதிலும் , இரண்டாம் பாதியில் ஓமன் வீரர்கள் ஆக்ரோஷமான ஆட்டத்தை வெளிப்படுத்தி 2 கோல்கள் அடித்து வெற்றி பெற்றனர்.