பிரதமர் மோடியின் பதவியேற்பு விழாவில் தமிழக பெண் லோகோ பைலட் ஐஸ்வர்யா பங்கேற்கிறார்
பிரதமர் மோடியின் பதவியேற்பு விழாவிற்கு 8 ஆயிரம் பேர், சிறப்பு விருந்தினராக அழைக்கப்பட்டுள்ளனர். ரயில்வே ஊழியர்களுக்கும் அழைப்பு விடுக்கப்பட்டது. இந்தியாவின் முதல் லோகோ பைலட் ஆன மாகாராஷ்டிராவை சேர்ந்த ரேகா யாதவுக்கு அழைப்பு விடுக்கப்பட்டுள்ளது. அதுபோல், தமிழகத்தை சேர்ந்த பெண் லோகோ பைலட் ஐஸ்வர்யாவுக்கும் அழைப்பு விடுக்கப்பட்டுள்ளது. ஜன சதாப்தி விரைவு ரெயிலை இயக்கிய ஐஸ்வர்யா, சென்னை - விஜயவாடா, சென்னை - கோவை இடையிலான வந்தே பாரத் ரெயில்களை இயக்கி வருகிறார். 2 லட்சம் மணி நேரங்கள் ரெயில்களை இயக்கியிருக்கும் ஐஸ்வர்யா, ரயில்வே சிக்னல்களை உடனடியாக உள்வாங்கி செயல்படுவதில் தனித்திறன் கொண்டவர் என பாராட்டப்பட்டவர் என்பது குறிப்பிடத்தக்கது.