ஒடிசாவின் புதிய முதலமைச்சர் யார்..? நவீன் பட்நாயக்கிற்கு பறக்கும் மெசேஜ் | Thanthitv

ஒடிசா மாநில சட்டப்பேரவையில் 78 இடங்களை கைப்பற்றிய பாஜக, நாளை மாலை புதிதாக ஆட்சி அமைக்க உள்ளது. பதவியேற்பு நிகழ்ச்சிக்கு ஒரு நாள் மட்டுமே உள்ளதால், மத்திய அமைச்சர்கள் ராஜ்நாத் சிங் மற்றும் புபேந்திர யாதவ் ஆகியோர், முதல்வரை தேர்ந்தெடுக்கும் பணியில் ஈடுபட்டுள்ளனர். இந்த குழு, இன்று பாஜக எம்எல்ஏக்களுடன் ஆலோசனை நடத்தி, முதல்வர் யார் என்பதை முடிவு செய்ய உள்ளது. முன்னாள் பாஜக மாநில தலைவர் மன்மோகன் சாமல், கே.வி.சிங் டியோ, பழங்குடியின தலைவர் மோகன் மாஜி உள்ளிட்டோர், முன்னிலை பட்டியலில் உள்ளனர். புதிய முதல்வர் தேர்ந்தெடுத்த பின்னர், ஆளுநர் ரகுபார் தாசை பாஜக எம்எல்ஏக்கள் சந்தித்து, ஆட்சி அமைக்க உரிமை கோர உள்ளனர். இதனிடையே, பதவியேற்பு விழாவில், முன்னாள் முதல்வர் நவீன் பட்நாயக்கிற்கு அழைப்பு விடுக்கப்படும் என தகவல் வெளியாகியுள்ளது.