I.N.D.I.A. கூட்டணியின் ஆலோசனை கூட்டம்... முதல்வர் ஸ்டாலின் இன்று மும்பை பயணம்

நாடாளுமன்ற தேர்தலுக்கான ஆயத்த பணிகளை அரசியல் கட்சிகள் தொடங்கியுள்ள நிலையில், மத்தியில் ஆளும் பா.ஜ.க.வுக்கு எதிராக, காங்கிரஸ், திமுக, திரிணாமுல் காங்கிரஸ் உட்பட 26 கட்சிகள் இணைந்து I.N.D.I.A. என்ற கூட்டணியை உருவாக்கியுள்ளனர். இந்த கூட்டணியின் முதல் கூட்டம் பாட்னாவிலும், இரண்டாவது கூட்டம் பெங்களூருவிலும் நடைபெற்றதை அடுத்து, மூன்றாவது கூட்டத்தை மும்பையில் நடத்த திட்டமிடப்பட்டுள்ளது. அதன்படி இன்றும், நாளையும் நடைபெறும் கூட்டத்தில் பங்கேற்க திமுக தலைவர் மு.க.ஸ்டாலின், இன்று காலை சென்னையில் இருந்து விமானம் மூலம் மும்பை செல்கிறார். திமுக பொருளாளர் டி.ஆர்.பாலு உடன் செல்கிறார். இந்த கூட்டத்தில், கூட்டணியின் லோகோ, தொகுதி பங்கீடு உள்ளிட்ட பல்வேறு முக்கிய முடிவுகள் எடுக்கவுள்ளதாக கூறப்படுகிறது.