தமிழக மலை ஏறும் வீராங்கனைக்கு விசா கிடைப்பதில் தாமதம் ஏற்பட்டதை அடுத்து, மத்திய வெளியுறவு அமைச்சர் ஜெய்சங்கருக்கு டி.ஆர்.பாலு, எம்.பி. அவசர கடிதம் அனுப்பி உள்ளார். சென்னையைச் சேர்ந்த மலையேறும் வீராங்கனை முத்தமிழ்ச்செல்வி, இமயமலையில் உள்ள எவரெஸ்ட் சிகரத்தில் வெற்றிகரமாக ஏறிய முதல் பெண் வீராங்கனை என்ற சாதனை படைத்தவர் ஆவார். இந்நிலையில், இவருக்கு சிலி நாட்டின் விசா கிடைக்காததால், முத்தமிழ்ச் செல்வியின் அன்டார்ட்டிகா மலையேறும் திட்டம் கேள்விக்குறி ஆகி உள்ளது. இதுகுறித்து அவர் அனுப்பிய கோரிக்கையை டி.ஆர்.பாலு, மத்திய வெளியுறவுத்துறை அமைச்சர் ஜெய்சங்கருக்கு கடிதமாக அனுப்பி உள்ளார். இவரது ஆறாவது சிகரம் தொடும் சாகசத்துக்கு உதவுமாறு அந்த கடித்தத்தில் டி.ஆர்.பாலு குறிப்பிட்டுள்ளார்.