திமுக பேச்சாளருக்கு கொலை மிரட்டல்.. பின்னணியில் மிக முக்கிய புள்ளி? | Chennai | Police

சென்னை திருவல்லிக்கேணியை சேர்ந்தவர் தமிழ்தாசன். திமுக பேச்சாளரான இவர், நடந்து முடிந்த விக்கிரவாண்டி இடைத்தேர்தலில் திமுகவுக்கு ஆதரவாக வாக்கு சேகரித்துள்ளார். அப்போது, பாமக நிறுவன தலைவர் ராமதாஸின் கடந்த கால அரசியல் நிலவரம் குறித்து தமிழ்தாசன் பேசியதாக கூறப்படுகிறது. இந்நிலையில் தமிழ்தாசனை தொடர்பு கொண்ட மர்ம நபர் ஒருவர், தான் கடலூர் மாவட்ட வன்னியர் சங்கத்தை சேர்ந்தவர் எனக்கூறி தமிழ்தாசனுக்கு கொலை மிரட்டல் விடுத்ததாக கூறப்படுகிறது. தொடர்ந்து வேறு வேறு செல்போன் நம்பர்கள் மூலம் தொடர்பு கொண்டு மிரட்டல் விடுத்ததாகவும் சொல்லப்படும் நிலையில், இது குறித்து சென்னை பெருநகர காவல் ஆணையர் அலுவலகத்தில் தமிழ்தாசன் புகாரளித்துள்ளார்.