வெற்றிக்கு பின் கோவையில் கால் பதிக்கும் முதல்வர்.. தடபுடலாக நடக்கும் வேலைகள்

கோவை கொடிசியா மைதானத்தில் இன்று நடைபெறும் முப்பெரும் விழா பொதுக்கூட்டத்தில், திமுக கூட்டணி கட்சி தலைவர்கள், 40 நாடாளுமன்ற உறுப்பினர்கள் பங்கேற்கின்றனர்.

கலைஞர் நூற்றாண்டு நிறைவு விழா, மக்களவைத் தேர்தலில் 40 தொகுதிகளிலும் வெற்றி பெறச் செய்த மக்களுக்கு நன்றி தெரிவிக்கும் விழா, தேர்தல் வெற்றிக்காக முதலமைச்சர் ஸ்டாலினுக்கு பாராட்டு விழா என முப்பெரும் விழா கோவை கொடிசியான மைதானத்தில் இன்று நடைபெறுகிறது. இதில் பங்கேற்க முதலமைச்சர் ஸ்டாலின் இன்று பிற்பகல் கோவை வருகிறார். திமுக கூட்டணியில் உள்ள அனைத்து கட்சி தலைவர்களும் இந்த பொதுக்கூட்டத்தில் கலந்து கொள்கின்றனர். இது தவிர தமிழகம், புதுவையில் 40 தொகுதிகளில் வெற்றி பெற்ற எம்.பி.க்களும் பங்கேற்க உள்ளனர். திமுக மூத்த அமைச்சர்கள் முத்துசாமி, எ.வ.வேலு , ஆ.ராசா, சாமிநாதன் ஆகியோர் கோவையில் முகாமிட்டு பொதுக்கூட்ட மேடைக்கான ஏற்பாடுகளை தீவிரப்படுத்தி வருகின்றனர்.