கூட்டணியில் இருந்தபோதே அதிமுகவை அழிக்க வேண்டும் என்ற வஞ்சத்தோடும், வன்மத்தோடும் நீங்கள் சுற்றி திரிந்தது எங்களுக்கு தெரியும் என பாஜகவை அதிமுக ஐடிவிங் செயலாளர் ராஜ் சத்யன் விமர்சனம் செய்துள்ளார்.
இது தொடர்பாக தனது சமூக வலைதள பக்கத்தில் பதிவிட்டுள்ள அவர், அம்மாவையும் , அண்ணாவையும் இகழ்ந்து பேசுவதும் , தேவை எனும்போது புகழ்ந்து பேசுகிற நாடகம் இன்று அம்பலப்பட்டு நிற்கிறது என பாஜகவை அவர் சாடியுள்ளார்.
கூட்டணியில் இருந்தபோதே அதிமுக என்னும் பெருங்கழகத்தை அழிக்க வேண்டும் என்ற வஞ்சத்தோடும், வன்மத்தோடும் நீங்கள் சுற்றி திரிந்தது எங்களுக்கு தெரியும் என்றும்
தற்போது தோல்வி பயத்தில் தங்கள் சுயரூபத்தை காட்டி உள்ளீர்கள் என்றும் ராஜ் சத்யன் அதில் குறிப்பிட்டுள்ளார்.
தமிழ்நாட்டுக்கு திமுக மட்டும் எதிரியல்ல, பிரிவினைவாதம் ஒன்றையே கொள்கையாகக் கொண்டு அரசியல் செய்யும் உங்களை போன்ற கட்சிகளும் தான் என்றும் ராஜ் சத்யன் பதிவிட்டுள்ளார்.
மேலும் கொரோனாவில் இருந்து எங்கள் மக்களை பாதுகாத்த எங்கள் தலைவருக்கு , உங்களிடம் இருந்தும் மக்களை காப்பாற்ற தெரியும் எனவும் அவர் குறிப்பிட்டுள்ளார்.