டெல்லி சட்டப்பேரவை தேர்தல்: 54 பேர் கொண்ட முதல் பட்டியலை வெளியிட்டது காங்கிரஸ்

70 பேர் கொண்ட டெல்லி  சட்டப் பேரவைத் தேர்தலில் போட்டியிடும், 54 பேர் கொண்ட முதல் வேட்பாளர் பட்டியலை காங்கிரஸ் கட்சி நேற்று வெளியிட்டுள்ளது. ஆம் ஆத்மி கட்சியில் இருந்து பிரிந்து, காங்கிரஸ் கட்சியில் அண்மையில் சேர்ந்த அல்கா லம்பா, முன்னாள் அமைச்சரும், காங்கிரஸ் கட்சியின் முன்னாள் டெல்லி பிரதேச தலைவருமான அரவிந்தர்  சிங் லவ்லி,  முன்னாள் அமைச்சரும், காங்கிரஸ் கட்சியின்  டெல்லி பிரதேச செயல் தலைவருமான ஹாரூண் யூசுஃப்  ஆகியோருக்கு மீண்டும்  தேர்தலில் களம் காண வாய்ப்பு அளிக்கப்பட்டுள்ளது. புதுடெல்லி தொகுதியில் போட்டியிடும் அரவிந்த் கேஜ்ரிவாலுக்கு எதிராக பா.ஜ.க. மற்றும் காங்கிரஸ் இதுவரை வேட்பாளர்களை அறிவிக்கவில்லை.