ஜூன் 6-ல் 17வது மக்களவையின் முதல் கூட்டம் : ஜூன் 15ம் தேதி வரை நடைபெறும் என தகவல்
புதிதாக அமைய உள்ள 17வது மக்களவையின் முதல் கூட்டத் தொடர் ஜுன் 6 ஆம் தேதி தொடங்குகிறது.
நாடாளுமன்ற தேர்தலில் அமோக வெற்றி பெற்றுள்ள பிரதமர் மோடி, மீண்டும் பதவியேற்றதும் மே 31ம் தேதியன்று புதிய மத்திய அமைச்சரவையின் கூட்டம் நடைபெறுகிறது. அதில், 17வது மக்களவையின் முதல் கூட்டத் தொடர் குறித்து முடிவு எடுக்கப்படும். அப்போது, ஜுன் 6 ஆம் தேதியன்று புதிய மக்களவை கூட்டத் தொடரை ஆரம்பிக்க முடிவு செய்யப்படும் என கூறப்படுகிறது. அன்றைய தினம் தற்காலிக சபாநாயகர் நியமிக்கப்பட்டு, புதிய எம்பிக்களுக்கு பதவி பிரமாணம் செய்து வைக்கப்படும். அதன் பிறகு, நாடாளுமன்ற கூட்டுக் கூட்டத்தில் குடியரசு தலைவர் ராம்நாத் கோவிந்த உரையாற்றுவார். மக்களவையின் புதிய சபாநாயகர், ஜுன் 10 ஆம் தேதி தேர்வு செய்யப்படுவார் என எதிர்பார்க்கப்படுகிறது. முதலாவது கூட்டத் தொடர், ஜூன் 15ம் தேதி வரை நடைபெறும் என தகவல்கள் தெரிவிக்கின்றன.