ராஜஸ்தான் மாநிலம் ஜலூர் பகுதியில் காலை முதல் கன மழை பெய்து வருகிறது. இங்கு உள்ள ஜஸ்வந்த்புரா சுந்தா மலைப் பகுதியில் பெய்து வரும் கன மழையால், மழைநீர் காட்டாற்று வெள்ளம் போன்று மழைநீர் வெளியேறி வருகிறது. ஏரிகள் குளங்கள் ஆகியவை நிறைந்து வழிகின்றன. வெள்ள நீர், ஜலூர் நகர் பகுதிகளில் பாய்ந்தோடுகிறது. பொதுமக்கள் வீடுகளை விட்டு வெளியே வரமுடியாமல் முடங்கியுள்ளனர். இந்த வெள்ளத்தில் சிக்கி, குஜராத்தை சேர்ந்த சுற்றுலாப் பயணி ஒருவர் உயிரிழந்துள்ளதாக தகவல் வெளியாகியுள்ளது.