"நான் என்ன பேசினாலும் அர்த்தத்தை மாற்றி பேசுகிறார்.." -ராகுல் காந்தி பரபரப்பு குற்றச்சாட்டு

ஞாயிறன்று, மும்பையில் நடைபெற்ற இந்தியா கூட்டணியின் பொதுக்கூட்டத்தில் பேசிய காங்கிரஸ் எம்பி ராகுல் காந்தி, அதிகாரம் என்ற பொருள்படும் வகையில் சக்தியை எதிர்த்து போராடுவதாக குறிப்பிட்டார். இதனைத் தொடர்ந்து இன்று தெலுங்கானாவில் பேசிய பிரதமர் மோடி, இந்திய கூட்டணி கட்சியினர் சக்தியை எதிர்த்து போராடுவதாக கூறுகின்றனர் எனவும், தாய்மார்கள் மற்றும் சகோதரிகளின் வடிவமான சக்தியை பாதுகாக்க, என்னுடைய உயிரையும் கொடுப்பேன் என பிரதமர் குறிப்பிட்டார். இது தொடர்பாக விளக்கம் அளித்துள்ள ராகுல் காந்தி, மோடி என்னுடைய வார்த்தைகளை விரும்புவதில்லை என்றும், எனது வார்த்தைகளின் உண்மையான அர்த்தத்தை மாற்றுவதையே வழக்கமாகக் கொண்டிருப்பதாகவும் குற்றம்சாட்டினார்.