கேரள தம்பதியின் சதுரங்க வேட்டை.. லட்சக்கணக்கில் அபேஸ்.. வெளியான அதிர்ச்சி தகவல் | Iridium | Kerala

வெளிநாட்டிற்கு இரிடியத்தை ஏற்றுமதி செய்வதாக கூறி நூதன மோசடியில் ஈடுபட்ட தம்பதியை கோவை மாவட்ட போலீசார் கைது செய்தனர்.

சென்னை எண்ணூரை சேர்ந்த சீனிவாசன் எனபவரிடம் இந்த மோசடியை அரங்கேற்றி இருக்கின்றனர். தங்களிடம் அதிக விலை மதிப்பிலான இரிடியம் ஒன்று இருப்பதாகவும், அதனை வெளிநாட்டில் விற்றால் கோடிக்கணக்கில் லாபம் கிடைக்கும் எனவும் கூறி தம்பதி இருவர் கைவரிசை காட்டி இருக்கின்றனர். லாபத்தில் பங்கு தருவதாக சொல்லி 10 லட்சம் வரை பெற்று இருவரும் கம்பி நீட்டியதை அடுத்து போலீசில் புகாரளிக்கப்பட்டது. விசாரணையை கையிலெடுத்த போலீசர், கேரளாவை சேர்ந்த சியாம் மற்றும் அவரது மனைவி சஜிதாவையும் கைது செய்த நிலையில், இருவரிடம் இருந்தும் வழக்கின் சொத்துக்களான இரிடியம் மற்றும் 5 லட்ச ருபாய் பணம், 77 கிராம் தங்கத்தை பறிமுதல் செய்து விசாரணை நடத்தி வருகின்றனர்.